Қазақстан Қорғаныс министрлігі Ресейдің әскери ынтымақтастық келісімін өзгерту жоспарына қатысты пікір білдірді

Қазақстан Қорғаныс министрлігі Ресейдің әскери-техникалық ынтымақтастық туралы келісімдерді өзгерту жоспарларына қатысты түсініктеме беріп, барлық өзгеріс Қазақстан Республикасы заңнамасына қатаң сәйкес жүргізілетінін мәлімдеді, деп хабарлайды Orda.kz.       

Ресей президенті Қазақстанмен қолданыстағы келісімдерді өзгерту жөнінде келіссөздер жүргізу туралы өкімдерге қол қойды. Бұндай ұсынысты Ресей үкіметі көтерген болатын.

Қазақстан Қорғаныс министрлігі әскери және әскери-техникалық саладағы халықаралық ынтымақтастық ұлттық заңнамаға, елдің халықаралық міндеттемелеріне, сондай-ақ республиканың мүдделері мен мемлекеттік қауіпсіздікті қамтамасыз ету талаптарын ескере отырып жүзеге асырылатыны атап өтті.

«Халықаралық шарт жобаларын дайындау, келісу, мазмұны мен қаралу барысына, сондай-ақ оларды әзірлеуге қатысты өзге де құжаттарға байланысты мәселелер уәкілетті мемлекеттік органдардың құзыретіне жатады және заңнамада белгіленген тәртіппен қаралады. Ішкі мемлекеттік рәсімдердің барлығы аяқталғанға дейін министрлік құжат жобалары мазмұнына, оларға енгізілуі мүмкін өзгерістерге, оларды әзірлеу кезеңдеріне, сондай-ақ іске асыру перспективаларына қатысты түсініктеме бермейді», деп жауап берді  ведомство БАҚ сауалына. 

Ведомство мәліметінше, егер келісімдер немесе хаттамалар қабылданса, кейінгі барлық әрекет Қазақстан заңнамасына қатаң сәйкес жүзеге асырылады.

Ал шектеу қойылмаған ақпарат ресми ресурстар арқылы жұртшылыққа жеткізіледі.

Оқи отырыңыз:

• Ағайынды алты егіз мерзімді әскери қызметін бірге өткеріп жүр
• Мешітке келген жасөспірімдердің бірінің мұрнын сындырып, екіншісінің миын шайқаған адам сотталды