Қазақстан кәсіпорындарында қанша шетелдік жұмыс істейді

2025 жылдың ақпан айының басында Қазақстанда ресми түрде 13 мыңға жуық шетелдік жұмыс істейді, деп хабарлайды Orda.kz.

Ең көп жұмыс істейтіндер құрылыста – 5343 адам. Сондай-ақ олардың көпшілігі тау-кен өнеркәсібінде (1360 адам), өңдеу өнеркәсібінде (1338 адам), әкімшілік қызмет көрсетуде (1089 адам) және ауыл шаруашылығында (688 адам) жұмыс істейді.

Мамандардың басым бөлігі Қытай, Түркия, Үндістан және Өзбекстаннан келгендер.

«Елімізде шетелдік жұмыс күшін пайдаланатын 1710 жұмыс беруші бар. Сонымен қатар, бұл кәсіпорындарда жұмыс істейтіндердің 96,6 пайызы Қазақстан азаматтары», деп хабарады Еңбек министрлігі. 

Көбінесе шетелдік мамандар, білікті жұмысшылар, әртүрлі деңгейдегі менеджер ретінде тартылады.

Еңбек және халықты әлеуметтік қорғау министрлігі жыл сайын шетелдік жұмыс күшін тартуға квота белгілейді. 2025 жылы бұл квота 14,8 мың адамды немесе елдің жалпы жұмыс күшінің 0,2 пайызын құрайды.