Қазақстан Газаға қаржы бөліп, әскер жіберуге қатысады

Қазақстан Газа секторын қалпына келтіруге қаржылай үлес қосып, халықаралық тұрақтандыру миссиясына әскерилер мен полиция қызметкерлерін жіберуге қатысады, деп хабарлайды Orda.kz.

Бұл туралы АҚШ президенті Дональд Трамп «Бейбітшілік кеңесінің» алғашқы отырысында мәлімдеді. 

Трамптың айтуынша, Қазақстан Әзербайжан, БАӘ, Марокко, Бахрейн, Қатар, Сауд Арабиясы, Өзбекстан және Кувейтпен бірге Газа секторын қалпына келтіруге бағытталған 7 млрд доллардан астам халықаралық қаржы пакетіне үлес қосқан. АҚШ бұл процеске қосымша 10 млрд доллар бөлмек.

Сондай-ақ Қазақстан Индонезия, Марокко, Албания, Косово, Мысыр және Иорданиямен бірге Газа секторындағы Халықаралық тұрақтандыру күштерінің құрамына әскерилер мен полиция қызметкерлерін жіберіп, палестиналық полицияны даярлауға көмектеседі.

Трамптың сөзінше, бұл шаралар аймақтағы қауіпсіздікті қамтамасыз етуге және қақтығыстан кейінгі тұрақтандыру процесін жеделдетуге бағытталған.

Оқи отырыңыз:

• Абай облысында жол апатынан 4 адам тіл тартпай кетті
• «Эпштейн ісіне қатысы бар»: Бұрынғы британ ханзадасы Эндрю ұсталды
• Қырғызстанда TikTok-ты бұғаттау шешімі қайта қаралуы мүмкін