«Эпштейн ісіне қатысы бар»: Бұрынғы британ ханзадасы Эндрю ұсталды

Ұлыбританияда 66 жастағы бұрынғы ханзада Эндрю Маунтбеттен-Виндзор ұсталды деген ақпарат тарады, деп хабарлайды Orda.kz BBC News-ке сілтеме жасап. 

BBC News мәліметінше, Эндрю Джеффри Эпштейнмен байланысқаны үшін барлық корольдік титулдарынан айырылған.

Экс-ханзаданың тергеу аясында ұсталғаны мәлім болды. 

Таңғы сағат 8-ден кейін Норфолктегі Сандрингем резиденциясына бірнеше патрульдік көлік келген. Беркшир аймағында да тінту жұмыстары жүргізіліп жатыр. Полицияның күдігінше, ол Ұлыбританияның сауда өкілі қызметін атқарған кезде құпия есептерді жіберген болуы мүмкін.

Айта кетейік, жасөспірім қыздарды азғындыққа салғаны үшін айыпталған американдық миллиардер Джеффри Эпштейнге қатысты тергеу әлі жалғасып жатыр. 

Оқи отырыңыз:

• Джеффри Эпштейннің құжатында Ұлттық банктің бұрынғы басшысы Қайрат Келімбетовтің аты аталды
• АҚШ Әділет министрлігі Клинтон мен Джексонның педофил Эпштейнмен түскен суреттерін жариялады