«Қазақстан билігі үшін ресейлік пропагандистер бүтін әлем екенін білмедім». Прокурор айыптау актісін оқыды

Бүгін, 9 сәуір күні Темірлан Еңсебектің сот отырысы өтіп, прокурор айыптау актісін оқып шықты , деп хабарлайды Orda.kz.

Прокурор айыптау актісінде Темірлан Еңсебек Qaznews24 парақшасының авторы ретінде 2024 жылы 21 қаңтарда «Орыс азаматтарының ар-намысын қорлау мақсатында», «қазақстандық рэперлер Канделакиге арналған трек жазды» деген тақырыпта жазба жариялағаны айтылған.

Темірлан Еңсебек айыптау актісімен келіспеді. 

«Айыптау актісінде менің адамзатқа қарсы қылмыс жасағаным туралы жазылған. Мен Қазақстан билігі үшін ресейлік пропагандистер тұтас әлем және адамзат екенін білген жоқпын. Не істеп қойдым?» деді Еңсебек сотта.

Судья сотта тараптарға кінәні мойындау жазаны жұмсартуы мүмкін екенін еске салып, одан «Кінәңізді мойындайсыз ба?» деп сұрады. Еңсебек кінәні мойындамады.

Еске сала кетейік, Темірлан Енсебекке қатысты алғашқы сот отырысы 27 ақпан күні Алматының Алмалы аудандық сотында басталды. Алайда сот отырысы кенеттен Наурызбай аудандық сотына ауысты.  Бүгін өткен Темірлан Еңсебектің сот отырысы жанжалмен басталды.