Қазақ оқушылары Австралияда өткен беделді математика олимпиадасында алты медаль жеңіп алды 

Қазақстандық оқушылар Австралияда өткен беделді математика олимпиадасында алты медаль жеңіп алды, деп хабарлайды Orda.kz ҚР Оқу-ағарту министрлігінің баспасөз қызметіне сілтеме жасап.

Биылғы жылы International Mathematical Olympiad (IMO-2025) халықаралық математика олимпиадасына 112 елден 650-ге жуық ең үздік жас математик қатысты. Қазақстандық оқушылар 4 күміс және 2 қола медаль иеленді.

Күміс жүлдегерлер:

• Мирон Юркевич (Алматы қаласындағы Haileybury Almaty мектебінің 12-сынып оқушысы)
• Әмірлан Аманжолов (Haileybury Almaty, 11-сынып)
• Әмір Сахипов (РФМШ, 11-сынып)
• Марғұлан Шарел (Астана қаласындағы Spectrum International School, 11-сынып)

Қола жүлдегерлер:

• Ерасыл Алтынбек (Алматы қаласындағы Nurorda мектебі, 10-сынып)
• Ерқанат Кеңшілік (Ақтөбе облысындағы «Білім-инновация» лицей-интернатының 11-сынып оқушысы).

IMO олимпиадасы 1959 жылдан бері өткізіледі және әлемдегі ең беделді 7 пәндік олимпиаданың қатарына кіреді. 

Қазақстан бұл жарысқа 1993 жылдан бастап қатысып келеді. Сол уақыттан бері еліміздің ұлттық құрамасы:

16 алтын,
55 күміс,
81 қола медаль
және
29 құрмет грамотасын жеңіп алған.

2022 жылы 250-ден астам оқушы халықаралық олимпиадаларда жүлде алды. Биыл Халықаралық Олимпиада комитетін алғаш рет әйел адам басқарады. Зимбабведен келген Кирсти Ковентри Халықаралық Олимпиада комитетінің  жаңа басшысы болып сайланды. Оның кандидатурасын ХОК басшысы Томас Бах қолдады.