Қаттар үйінен табылған психотропты дәрілер: полиция жауап берді

Алматы қаласындағы қарттар үйінен тыйым салынған дәрілер табылды. Осы іске қатысты Orda.kz сауалына полиция департаменті жауап берді.

Редакция өз сауалын Бас прокуратураға жолдап, кейін ол полиция департаментіне жіберілді.

«Дәрілердің құрамында психотроптық және есірткі заттарының бар екендігі туралы айғақтар расталмады. Тексеруді қалалық полиция мен есірткіге қарсы күрес басқармасы жүргізді», – деп мәлімдеді полиция департаменті.

Еске салсақ, Алматыдағы «Шаңырақ» қарттар үйінде тыйым салынған психотроптық дәрілер табылды. Қоғам белсендісі Жанар Құсайынованың мәліметінше, препараттар 28 маусымда психиатр мен медбикелер кабинетінде анықталған, алайда орталық ішкі тергеу жүргізумен шектелген. Осыдан кейін белсенді прокуратураға арыз түсіріп, кешенді тексеріс басталды.