Қарттар үйінің құпиясы: Тыйым салынған дәрілер қайдан шықты?

Алматыдағы қарттар тұратын «Шаңырақ» әлеуметтік қызмет көрсету орталығы туралы Orda.kz редакциясы бірнеше рет жазған болатын. Олар зейнеткерлер зейнетақысының бір бөлігі дәрі-дәрмекке жұмсалатынын айтып, қандай жағдайда өмір сүріп жатқанын көрсеткен.

Редакцияға қоғам белсендісі Жанар Құсайынова хабарласып, биылғы жылдың жазында болған ерекше оқиға туралы баяндады. Орталық қызметкерлері қолдануға тыйым салынған психотроптық препараттар тауып алған.

Қоғам белсендісінің айтуынша, осы жылдың 28 маусымында орталықта тыйым салынған ауыр психотроптық препараттар психиатрдың үстелінен және медбикелер кабинетінен табылған.

Актідегі дәрі-дәрмектер тізімінде табылған дәрілердің саны бір пакеттен он қаптамаға дейін жетеді.

«Онда олар есірткі иесі кім екенін анықтай алмады. Негізінде, бұл туралы бірден полиция мен прокуратураға хабарлауы тиіс еді, бірақ олар қызметтік тергеу жүргізуді жөн көрді. Себебі бұл дәрілер қатаң бақыланатын дәрілік заттар санатына кіреді және үнемі тіркелуі керек. Олар ашық үстелде жатпауы тиіс еді. Содан кейін бір ай бойы қызметтік тергеу жүргізілді, өкінішке қарай, ештеңе анықталған жоқ», – деді Жанар Құсайынова.

Қоғам белсендісі осы жағдайдан соң прокуратураға өтініш және арыз жазды. Оның айтуынша, осы сәттен бастап кешенді тексеру басталып, бүгінгі күнге дейін жалғасуда.