Қаскелеңде бір топ адам жаңа үйінен айырылды

Алматы облысы Қаскелең қаласында көпқабатты тұрғын үйлерді салу кезінде алаяқтық жасалғаны белгілі болды, деп хабарлайды Orda.kz. 

Қаскелеңде «Tоредо» жауапкершілігі шектеулі серіктестігінің басшылары 2021-2023 жылдары құрылыс саласында рұқсатсыз жұмыс істеген. Яғни, лицензиясыз, қажетті құжаттарсыз және жобалық-сметалық құжаттамасыз қызмет атқарған. 

Олар «НOME», «НOME Южный», «НOME SAU», «НOME МAK» тұрғын үй кешендерін әлеуметтік желілерде белсенді түрде жарнамалаған.

Сонымен қатар, құрылыс жұмыстары талапқа сай жүргізілмеген. Әрі белгіленген мерзімде аяқталмаған. Сол себепті үлескерлер сотқа жүгінген.

Сот санкциясымен күдіктілердің 240 млн теңгеден асатын мүлкіне тыйым салынды. Олардың ішінде 12 жер телімі, 9 автокөлік, аяқталмаған үш қабатты ғимарат және жеке тұрғын үй бар.

Айта кетейік, «Майқайыңалтын» кен байыту комбинатында болған апатқа байланысты 6 адамға айып тағылған еді.