Майқайыңдағы апат: 6 адам сот алдында жауап береді

«Майқайыңалтын» кен байыту комбинатында болған апатқа байланысты 6 адамға айып тағылды, деп хабарлайды Orda.kz. 

Айта кетейік, Майқайыңдағы апаттың болғанына 1 жыл 4 ай өтті. Былтыр қаңтарда төрт құтқарушы отырған автобус шыңырауға құлаған болатын. Апат кезінде төрт құтқарушы да қайтыс болды. 

Олар – «Майқайыңалтын» кен байыту комбинатының экс директоры мен өндірістік учаскелерді басқару және инженерлік құрамдағы бес маман. Бұл күдіктілер апат болғаннан кейін бірден жұмыстан босатылмаған. Тергеу амалдарынан соң үй қамақта отырған. 

Еске салайық, Майқайың алтын кен орнында 4 қаңтардан ізделіп жатқан мәйіт шілде айында бірақ-ақ табылды. Ал шұңқырға құлаған автобус 7 айдан соң табылған еді.