Қаржы пирамидасын жарнамалап 68 миллион теңге табыс тапты

Қаржы мониторинг агенттігі қаржы пирамидасын жарнамалаумен айналысқан Ұлытау облысы тұрғындарына қатысты сотқа дейінгі тергеуді аяқтады. 

Бұл туралы қаржы мониторинг агенттігінің баспасөз қызметі хабарлады. 

Ұлытау облысының 2 азаматы  9 айдан астам уақыт бойы "MetaGo" қаржы инвестициялық пирамидасын жарнамалаумен айналысқан, сондай-ақ оның:

«Жезқазған қаласындағы аумақтық құрылымдық бөлімшесін басқарған аталған азаматтар жоғары табыс уәде ете отырып, облыс тұрғындарын инвестиция жасауға үгіттеген», - деп мәлімдеді баспасөз қызметі.

Олар қаржы пирамидасын жарнамалап 68 млн теңгеден астам табыс тапты. Сондай-ақ, қылмыскерлердің 37 млн теңгеден астам сомаға мүлкі тұтқындалды.