Қарағанды облысында жол апатынан көлік өртеніп, жүргізуші көз жұмды

Қарағанды облысында инкассатор көлігі жол апатынан кейін өртеніп кетті. Көлік ішінде отырған жүргізуші қаза тапты, деп хабарлайды Orda.kz. 

Полиция мәліметінше, Toyota Camry көлігінің жүргізушісі рөлге ие бола алмай, Lada Largus көлігімен соқтығысқан. Салдарынан инкассатор көлігінің 28 жастағы жүргізушісі оқиға орнында көз жұмды. Көлік ішінде 3 миллион теңгеден астам ақша болған. Қаражат та көлікпен бірге өртеніп кеткен.

Ал Toyota Camry көлігінің жүргізушісі мен жолаушысы ауруханаға жеткізілді. Жүргізушінің мас болғаны анықталды. 

Полиция қылмыстық іс қозғады. Жүргізуші ұсталып, уақытша ұстау изоляторына қамалды.

Айта кетейік, мемлекеттік тапсырыс үшін пара алған Алматыдағы емхана директоры сотталды.