Қарағанды облысына қоныс тепкен бизондар, тұқым жайып жатыр

«Бұйратау» ұлттық паркінде бұл өлке ғана емес, жалпы еліміз үшін сирек кездесетін жануар - бизондар бейнеге түсірілді, деп хабарлайды Orda.kz.

Оларды Қарағанды облысына 2020 жылы әкелінген. Он жануар жергілікті жағдайға тез бейімделіп, 2023 жылы алғаш рет төлдеді. Бүгінде олардың популяциясы 26 жануарға дейін өсті.

Қыстың суығына қарамастан, жаңа ортада бизондар өздерін жайлы сезінеді.

«Міне, балалар, бұл Солтүстік Америка емес! Бұл Қазақстан! Ал бұл бизондар жемшөпке өздері жүгіріп келеді» деп бейнеге түсінік береді автор. 

Жануарлардың жайбарақат әрі  тып-тыныш жайылып жүргеніне қарап олардың бұл өлкеде табысты тамыр жайып, жергілікті табиғаттың бір бөлігіне айналғанын түсінуге болады.

Бұған дейін біз «Алтын-Емел» ұлттық паркінде қар барысына мамандар GPS-қарғыбау орнатқанын жазғанбыз. Жақын арада тағы екеуі навигациялық құрылғылармен жабдықталады.

Қазан айында Алматы облысы Кербұлақ ауданында аудандық мәслихаттың 49 жастағы депутаты Ерлан Жұмаділов  қызыл кітапқа енген құстарды аулағаны үшін ұсталған еді.

Ал маусым айында дәл осы ұлттық паркте Қызыл кітапқа енген сирек кездесетін дала қырандары балапан шығарды.