Қандай алаяқтық несиелер есептен шығарылады

Қазақстандықтардың қандай алаяқтық несиелерді есептен шығара алатыны туралы Ұлттық банк төрағасының бірінші орынбасары Ерұлан Жамаубаев айтып берді, деп хабарлайды Orda.kz.       

 «Сот актісі негізінде: 1) үшінші тұлғаның клиенттің сәйкестендіру құралдарын заңсыз алуы және пайдалануы, оның ішінде кредитордың қызметтерін қашықтықтан көрсетуді бағдарламалық қамтамасыз етуді қашықтықтан басқаруды пайдалану жолымен қарызды ресімдеуі;
2) кредитор Қаржы нарығын реттеу және дамыту агенттігінің нормативтік құқықтық актісінде белгіленген ішкі және сыртқы алаяқтық фактілерін анықтау, тіркеу және талдау жөніндегі талаптарды бұзған жағдайда», - деп мәлімдеді Жамаубаев мәжіліс депутаттарының сауалына жауап бере отырып. 

Оның айтуынша, келесі талаптар бұзылып берілген алаяқтық несиелерді соттан тыс есептен шығару негіздері кеңейтілді:

1) кредит шарттарын жасасу кезінде кредитор бөлімінде жаңа қарыз алушылардың жеке қатысуы; кепілсіз тұтыну қарыздарын беру кезінде азаматтардың жекелеген санаттарының келісімін алу;

2) кепілсіз тұтынушылық қарыздарды берудегі «салқындату кезеңінде»;

3) клиентті биометриялық сәйкестендіруді жүргізу.

Бұл ретте, банктік қарызды алаяқтық тәсілмен ресімдеуге байланысты қылмыстық құқық бұзушылық бойынша жеке тұлғаны жәбірленуші деп тану туралы құқық қорғау органдарының қаулысы болған кезде кредиттерді есептен шығаруды банктер мен МҚҰ жүргізетін болады.

Жыл басында Қазақстан Республикасы Қаржы нарығын реттеу және дамыту агенттігі қазақстандықтар несие бойынша төлемді уақытында төлей алмаған жағдайда қандай қадамдар жасау керектігін айтқан  болатын, оны мына жерден оқыңыз.

Жақында 3 млн-нан астам қазақстандық ерікті түрде өздеріне несие алуға тыйым салды.

Дегенмен сарапшылар пікірі бойынша жаңа базалық мөлшерлеме халықты ипотекасыз қалдыру қаупін тудырды.