Камерундық футболшы Қазақстанда сегіз жылға сотталды

Спортшы есірткі сақтап, таратқаны үшін кінәлі деп танылды, деп хабарлайды Orda.kz Otyrar-ға сілтеме жасап.

Шымкент қаласының қылмыстық істер жөніндегі ауданаралық соты Камерун азаматын орташа қауіпсіздік деңгейіндегі колонияға сегіз жылға бас бостандығынан айырды.

Мбала Бомба Роджер биыл наурыз айында Шымкентте ұсталған. Тінту кезінде одан бір жарым келі синтетикалық есірткі табылған. Тергеу деректеріне сүйенсек, ол «синтетиканы» телеграм-арналар арқылы таратқан.

Сот үкіміне қарамастан, 33 жастағы футболшы өз кінәсін мойындамай, ақтауды сұрады. Оның айтуынша, ол Қазақстанға футбол ойнау үшін келген және есірткінің өзінде қалай өзінде болғанын түсінбейді екен:

«Мен футболшымын, менің айналысқаным — тек футбол. Тіпті футбол ойнаған кезде әр матчтан кейін қанымызды тексеретін. Мен жаман адам емеспін, бұл жағдай қалай болғанын өзім де нақты білмеймін», – деді ол. 

Сондай-ақ ол елде жүру визасының мерзімі өтіп кеткенін  мойындады.

Еске салсақ, Orda.kz редакциясы Қазақстандағы  қылмыстық топтың көсемі болған марқұм Серік «Голова» (ред. Бас) атанған азамат жайлы шындыққа жанаспайтын кейбір деректерді сейілту үшін, анығын жақындарынан және кезінде оған қатысты істі жүргізген құзырлы орган қызметкерінен сұрап, саралап көрді.