Қайырымдылық қордың атын жамылған қылмыстық топ сотталды

Бүгін, 20 қаңтарда облыстық қылмыстық істер жөніндегі мамандандырылған ауданаралық соты үкім шығарды, деп хабарлайды Orda.kz. 

Қылмыстық топтың жетекшісі 11 жылға, басқа мүшелері 8 жылдан 10 жылға дейін бас бостандығынан айырылды.

Мәліметтерге сүйенсек, олар 2023 жылдың сәуір айында ұсталған. Бұрын сотталған 7 адамнан тұратын бұл қылмыстық топ 2 жыл бойы қайырымдылық қордың атын жамылып, кәсіпкерлерді бопсалаумен айналысқан.

Олар қарыз өндіру сылтауымен Меркі ауданында екі жәбірленушіден 1 млн теңге және 10 келі есірткі талап еткен. Жәбірленушінің бірі қорқып, банк қосымшасы арқылы 500 мың теңге аударған. Осы қылмыстық схема 4 кәсіпкерге қолданылған.