«Қайта ұйымдастырылған»  антикор бір ай ішінде 17 сыбайлас жемқорлық қылмыстық іс қозғады

Қасым-Жомарт Тоқаевтың Сыбайлас жемқорлыққа қарсы қызметті қайта ұйымдастырғанынан кейін бір ай ішінде Ұлттық қауіпсіздік комитетінде (ҰҚК) 17 сыбайлас жемқорлыққа қатысты қылмыстық іс тіркелді, деп хабарлайды Orda.kz.

«Шілде айында ҚР ҰҚК-нің Сыбайлас жемқорлыққа қарсы қызметімен 17 құқықбұзушылық фактісі тіркелді» деп жазылған комитеттің сенбі күні таратқан хабарламасында. 

Аталған істер Қазақстан Республикасының Қылмыстық кодексінің келесі баптары бойынша сараланған:

• 362-бап (билікті немесе лауазымдық өкілеттікті асыра пайдалану) – 3 іс;
• 366-бап (пара алу) – 5 іс;
• 367-бап (пара беру) – 4 іс;
• 190-бап (алаяқтық) – 2 іс;
• 147-бап (жеке өмірге қол сұғылмаушылықты және жеке деректерді қорғау туралы заңнаманы бұзу) – 1 іс;
• 361-бап (қызметтік өкілеттіктерді теріс пайдалану) – 1 іс;
• 364-бап (кәсіпкерлік қызметке заңсыз қатысу) – 1 іс.
  
  

Сотқа жолданған қылмыстық істер саны– 16. 

Олар мынадай баптар бойынша:

• 189-бап (сеніп тапсырылған бөтен мүлікті иемдену немесе ысырап ету) – 1 іс;
• 190-бап (алаяқтық) – 6 іс;
• 206-бап (ақпаратты заңсыз жою немесе өзгерту) – 1 іс;
• 218-бап (қылмыстық жолмен алынған ақшаны немесе мүлікті заңдастыру) – 1 іс;
• 361-бап (қызметтік өкілеттіктерді теріс пайдалану) – 1 іс;
• 366-бап (пара алу) – 2 іс;
• 367-бап (пара беру) – 3 іс;
• 433-бап (қылмыстық құқықбұзушылықты жасыру) – 1 іс.
  
  

  
  

  🔹Аяқталған істер бойынша мемлекетке жалпы сомасы 113,6 млн теңгеге келтірілген залал қайтарылған.

  
  🔹619,1 млн теңге мүлікке тыйым салынды.

  
  🔹Сыбайлас жемқорлық туралы хабарлағаны үшін 2 адамға 471,84 мың теңге сомасында сыйақы берілді.

  Ұлттық қауіпсіздік комитетінде (ҰҚК) 17 сыбайлас жемқорлыққа қатысты қылмыстық істі қудалау бағытындағы жұмысты жалғастыратындарын баса айтты.

  Еске салсақ, Қасым-Жомарт Тоқаевтың өкімімен Сыбайлас жемқорлыққа қарсы іс-қимыл агенттігі таратылып, оның қызметі Ұлттық қауіпсіздік комитетіне берілді.

   
  Сыбайлас жемқорлыққа қарсы қызметтің директоры болып генерал-майор Нұржан Құсайынов тағайындалды. Қызмет қазір Ұлттық қауіпсіздік комитетінің құрамында жұмыс істейді.