«Қайратпен» өткен матчтан кейін «Реал» жұлдыздарының бағасы құлады

Transfermarkt жаңартқан бағаларға қарасақ, «Кайратпен» өткен матчтан кейін «Реал» жұлдыздарының бағасы құлдырап кеткен, деп хабарлайды Orda.kz.

Мадридтік «Реалдың» алматылық «Қайратпен» Чемпиондар лигасының топтық кезеңінде өткізген матчынан кейін Transfermarkt сайты испандық команданың ойыншыларының трансферлік құнын қайта қарады.

Мәселен,  «Реал» мен Бразилия құрамасының жетекші ойыншыларының бірі  Винисиус Жуниор 20 миллион еуроға арзандады. Бұрын оның трансферлік құны 170 миллион еуро болса, енді ол 150 миллион еуроға бағалануда.

Тағы бір бразилиялық вингер  Родриго да құнын жоғалтты. Бұған дейін оның трансферлік құны 90 миллион еуро болса, жаңартудан кейін ол 80 миллион еуроға дейін төмендеді.

«Қайрат» үшін бұл Чемпиондар лигасының топтық кезеңіндегі алғашқы өз алаңындағы матч болса, ал «Реал» үшін Қазақстандағы алғашқы ресми кездесу болды.

Өкінішке қарай,  алматылық клуб ірі есеппен жеңіліп қалды. Дегенмен, бұл жеңіліске қарамастан, «Кайраттың» жас қақпашысы Шерхан Қалмырза Чемпиондар лигасының қазіргі маусымында сейвтер саны бойынша үздік үш қақпашылардың қатарына енді.

Футболда ешкімге дес бермейтін атақты комнададан жеңілу күтпеген жағдай емес, бірақ осындай деңгейдегі Чемпиондар лигасына қатысудың өзі — үлкен жетістік. Енді жанкүйерлер «Кайраттың» плей-офф кезеңіне немесе кем дегенде топта үшінші орын алып, Еуропа лигасына өте ала ма деген үмітпен бақылап отыр.

Орданың «Қайрат» — «Реал Мадрид» ойыны туралы, Мбаппенің хет-тригі мен Қалмырзаның қарымды сейвтері туралы репортажымызды мына жерден оқыңыз.