Эверест шыңында 6 күн жалғыз қалған альпинист өз бетінше жерге түсті

Эверестте 6 күн жалғыз қалған 52 жастағы тәжірибелі альпинист Дава Шерпа өзінің мол тәжірибесінің арқасында аман-есен шыңнан өз бетінше түсті, деп хабарлайды Orda.kz.        

Альпинистке осындай жүрек жұтқан әркеттерінің арқасында әйгілі альпинист Эдмунд Хилларидің құрметіне «Хиллари» деген лақап ат берілген. Ол әлемдегі ең биік шың – Эверестің төбесіне жақын жерде 30 мамыр күні таңертең жоғалып кеткен.

Дава таудан жалғыз өзі, азық-түліксіз және оттегі баллонынсыз түсіп келе жатқан. Кейін белгілі болғандай, ол 8K Expeditions ұйымдастырған құтқару тікұшағын көріп, қол бұлғаған. Алайда оны ешкім байқамаған. Себебі құтқарушылар оны әлдеқайда жоғары жақтан іздеген, ал Шерпа сол уақытта базалық лагерьге жақынырақ орналасқан Хумбу мұзды сарқырамасы арқылы төмен түсіп келе жатқан еді.

Ақыры 4 маусым күні таңертең іздеу жұмыстарына қатыспаған, тек өздерінің тазалық жұмыстарын атқарып жүрген Sagarmatha Pollution Control Committee қызметкерлері оны лагерьге қарай еңбектеп келе жатқан жерінен тауып алған.

Даваның қолының саусақтарын үсік шалған, ол әрең сөйлеген. Кейін оны лагерьге жеткізіп, одан әрі тікұшақпен Катманду қаласындағы ауруханаға әкеткен.

Оқи отырыңыз:

• Қазақстанның 30 елді мекенінде жер сілкінісінің дүмпуі сезілді
• Тоқаев: Ұлттық нышандарымызды қадірлеу – отаншылдық рухының ең биік өлшемі  
• Инвестор құқығын қорғау мен активтерді қайтару бойынша прокуратураның рөлі күшейтілді