Экс-күйеуінен оңбай таяқ жеген келіншек Тоқаевтан көмек сұрады

Бұрынғы күйеуінен көк ала қойдай болып таяқ жеген Тимурова Дильбар құқық қорғау органдарының әрекетсіздігіне байланысты мемлекет басшысының көмегіне жүгініп, үндеу жасады, деп хабарлайды Orda.kz. 

Бұл туралы «НеМолчиKz» қоры мәлімдеді. Алматылық келіншекті 28 тамыз күні 3 жыл бұрын ажырасқан экс-күйеуі ұрып кеткен. Олардың кәмелетке толмаған бір қыз, бір ұлы бар. Әйел алған жарақаты салдарынан ауруханада жатқан. 

Жәбірленуші соққыға жығылғанына 3 апта өтсе де, құқық қорғау органдары тиісті шара қолданбаған. Әйел экс-күйеуінің ауқатты отбасынан шыққанын айтты. Ол құзырлы орган болған жағдайды жасыру үшін пара алды деп ойлайды.

Айта кетейік, Қостанай облысында әйелінің экс-күйеуінен ақша бопсалаған ер адам ұсталды.