Қостанай облысында әйелінің экс-күйеуінен ақша бопсалаған ер адам ұсталды

Қостанай облысында ер адам әйелінің бұрынғы күйеуінен үнемі ақша бопсалап, 1,5 млн теңге алған, деп хабарлайды Orda.kz. 

30 жастағы қостанайлық бұрын тұрмыста болған әйелге үйленеді. Ол әйелдің 11 жастағы ұлымен бірге тұрады. Ер адам әйелінің экс-күйеуіне ұлының жол апатына кінәлі болып қалғанын айтып, 750 мың теңге алады. Онымен қоймай, баланың әкесіне ұлын полицейлер ұстап алды деп тағы 650 мың теңге сұрайды. Кейін күдікті жәбірленушіден тағы да 1,5 миллион теңге талап етеді. Сонымен қатар, оған үнемі қоңырау шалып, мазасын алып отырған. 

Жәбірленуші полицияға жүгінді. Ер адам ұсталып, «бопсалау» бабы бойынша тергеуге алынды.

Айта кетейік, Атырауда ҰҚК қызметкерінен есірткінің ірі мөлшері тәркіленді.