Экс-депутат пен шенеуніктің 1,5 млрд теңге субсидияны жымқырғаны белгілі болды

Ауыл шаруашылығы министрлігінің бұрынғы шенеунігі 1,5 млрд теңге болатын субсидияны жымқырғаны белгілі болды, деп хабарлайды Orda.kz. 

Мәслихаттың бұрынғы депутаты Б.Қ.Әбішев пен ауыл шаруашылығы министрлігі департаментінің директоры Б.С.Айымбетов қомақты қаражат жымқырды деген күдікке ілінді. Олардың 2018-2022 жылдар аралығында Жамбыл және Түркістан облыстарында субсидия алғанда алаяқтық жасағаны анықталды. 

Екі күдікті 29 ауыл шаруашылық кооперативінің электрондық цифрлық қолтаңбаларын заңсыз пайдаланған. Кейін элиталық таңқурай көшеттерінің жеткізілгені туралы жалған құжаттарды қолданып, 1,5 миллиард теңге болатын субсидия алған. Б.С.Айымбетов екі айға қамалды. Тергеу жалғасып жатыр. 

Айта кетейік, Қырғызстан прокуратурасы бұрынғы президент Алмазбек Атамбаевқа 11 жыл бас бостандығынан айыру жазасын беруді сұрады.