Израиль Тебриздегі Иранның әскери әуежайына соққы берді

Израиль Иранның солтүстік-батысында орналасқан Тебриз қаласындағы әскери әуежайға соққы жасады, деп хабарлайды Orda.kz.

Tasnim басылымының мәліметінше шабуыл жұма күні жергілікті уақыт бойынша сағат 12:30-да болды.

Әлеуметтік желіде жарияланған суреттерде әуежайдың үстінен көтерілген қою түтін көрінеді. Шабуыл нысанасы — жауынгерлік ұшақтар орналасқан Шахид Факури әскери әуе базасы деген болжам бар.

Бұған дейін Израиль Тегеранның бірқатар тұрғын үйлері бар ауданы мен Иранның басқа да аймақтарына әуе соққысын жасаған болатын.

Қазіргі кезде Тебриздегі Иран Әуе күштеріне тиесілі әуе базасы, Шираздағы Ислам революциясын қорғаушылар корпусындағы зымыран зауыты, сондай-ақ Боруджердегі зымыран және әскери техника сақтау қоймасы жойылып жатыр.

Еске сала кетсек, бүгін Orda.kz Иранның Құм қаласындағы Жамқаран мешітінің күмбезіне ирандықтардың қызыл «кек туын» ілгені жайлы жазған болатын. Осы жайлы және екі тараптың ашық мәлімдемелері жайлы мына мақаладан оқыңыздар.