Испаниядағы су тасқынынан 205 адам қаза болды

Қайтыс болған 205 адамның ішінде Валенсияның 202 тұрғыны бар. Бұл табиғи апаттан зардап шеккен негізгі аумақ. Әлі де құтқарушылар жете алмаған аймақтар бар, деп хабарлайды Orda.kz.

BBC NEWS мәліметіне қарасақ, бұл Испаниядағы соңғы 50 жылдағы ең жойқын табиғи апат болып отыр.

Сегіз сағат ішінде Испанияда жылдық жауын-шашын мөлшері жауды. Су тасқыны мен лай ағыны жолдарды қиратты, ал көшелер ғимараттар мен көлік сынықтарына толған үйінділерге айналды. Ел инфрақұрылымына жүздеген миллион еуро шығын келді.

Испанияда жоғалғандарды іздеу үшін шамамен 500 әскери қызметкер қатысты.

75 мыңнан астам үй әлі де жарықсыз отыр.

The Guardian тілшісіне зардап шеккендердің бірі жағдай жайлы қысқаша жауап берген.

«Біздің қанша көмек алғанымыз маңызды емес. Қанша көмек болса да, біз үшін аз. Бізге өте көп көмек қажет», — деді Эмбэр Гонсалес.  

Еске сала кетсек, бұған дейін су апатынан зардап шеккендерге қатысты Испания қара жамылып, байрағын төмен түсірген болатын.