Өлтіріп, мәйітін Жайыққа тастаған бойжеткеннің анасы қызын әлі күтуде

Төрт айдан бері кісі қолынан қаза тапқан  23 жастағы Яна Легкодимованың анасы қызының денесі табылатынына үмітті. Алайда іздеу тоқтатылды, деп хабарлайды Orda.kz.

2024 жылдың қазан айында Яна Легкодимованың трагедиясы Атырауды дүр сілкіндірді. 18 қазанда қыз Авангард шағын ауданындағы үйден сағат 22: 00 шамасында шығып, қайтып оралмады. Туыстары мен жақындары полицияға хабарласып, дабыл қағып кетті. Іздеуге еріктілер, әлеуметтік желілер мен БАҚ қосылды. Алайда көп ұзамай қыздың қылмыс құрбаны болғаны белгілі болды.

Жедел іс-қимыл барысында полиция 24 және 25 жастағы екі адамды ұстады. Олар Янаны ұрлап, өлтіргенін мойындады. Олардың айтуынша, қызды тұншықтырып өлтіріп, денесін Талдыкөл ауылының маңындағы Жайық өзеніне тастаған.

Төрт айдан кейін де Яна Легкодимованың денесі табылған жоқ.

2024 жылғы 15-29 желтоқсан аралығында ТЖД күштері қайтадан іздеу жұмыстарын жүргізді. Операцияға 36 құтқарушы, бір кинологиялық топ, 6 бірлік техника, 2 су кемесі және пилотсыз ұшу аппараты қатысты. Іздеуге жоғалған адамның анасы да қосылды, - деп хабарлады Атырау облыстық ТЖД.

Іздеу операциясы кезінде жағалау мұқият тексеріліп, Жайық өзенінің түбінде де іздестіру жүргізілді. Түбін егжей-тегжейлі тексеру үшін сүңгуірлер балық аулау құралын пайдаланды. Алайда, барлық күш-жігерге қарамастан, іздеу 29 желтоқсанда нәтижесіз аяқталды.

«Күн өткен сайын, қызымсыз әр минут-жүрегіме ауыр тиюде. Яна менің қуанышым, мақтанышым, қарашығым еді. Бірақ, өкінішке қарай, іздеу нәтижесіз аяқталды, енді шындық ашылады, ал менің қызым тыныштық табады деген үмітім бар. Мұндай тағдырға ешкім лайық емес. Яна, қымбаттым, қай жерде жатсаң да, мен сені іздеуді мен шын жүректен жақсы көруді ешқашан тоқтатпайтынымды біл. Іздеу жалғасады деп үміттенемін», - деп ой бөлісті қыздың анасы Галина Легкодимова Orda.kz тілшісімен.

Яна ашық әрі табысты қыз болды. Ол мектепті үздік бітіріп, Атырау Мұнай және газ университетінде «мұнай-газ ісі» мамандығы бойынша оқуға грант алды, магистратураны аяқтады. Оқып жұріп-ақ, Яна Қазақ ғылыми - зерттеу геологиялық барлау мұнай институтында әзірлеуші болып жұмыс істей бастады және аспирантурада оқуын жалғастыруды жоспарлады. Оның достары мен әріптестері оны мейірімді, еңбекқор және көңілді адам ретінде еске алады.