ИРСК АҚШ-тың әуе базасына соққы жасады

Бүгін таңсәріде АҚШ армиясы Бендер-Аббас әуежайының маңындағы нысанға әуе шабуылын жасағаннан кейін, соққы көзі болған америкалық әуе базасы сағат 4:50-де нысанаға алынған, деп хабарлайды Orda.kz.       

Ислам революциясы сақшылары корпусының баспасөз қызметі мәлімдеме жасады.

«Бұл — жауға берілген қатаң ескерту. Кез келген шабуыл жауапсыз қалмайды. Егер қайталанса, жауабымыз бұдан да қатаң болады» деп жазылған мәлімдемеде. 

Сонымен қатар ИРСК салдар үшін жауапкершілік «соғысты бастаған тараптың мойнында» екенін атап өтті.

АҚШ әскери күштері Иранның төрт ұшқышсыз ұшу аппаратын атып түсіріп, Бендер-Аббас порт қаласындағы жерүсті басқару пунктіне соққы жасады. Америкалық дереккөздердің мәліметінше, дәл осы нысаннан тағы бір дрон ұшырылуы мүмкін болған. Олар бұл объектіні Ормуз бұғазындағы америкалық әскери және коммерциялық кемелерге қауіп төндіреді деп бағалаған.

Бұған жауап ретінде Ислам революциясы сақшылары корпусы АҚШ-тың әуе базасына соққы жасағанын мәлімдеді, алайда оның қай ел аумағында орналасқанын нақтыламады. Ал Кувейт билігі түнде ирандық зымырандар мен дрондардың ұсталғанын хабарлаған.

Тараптар арасындағы мұндай мәлімдемелер Дональд Трамп ұсынылған бейбіт келісім жобасының соңғы нұсқасын қабылдамай тастағаннан кейін көп ұзамай жасалды.

Келісім туралы меморандумның негізгі параметрлерін бұған дейін Иран телеарналары жариялаған. Құжаттағы тармақтардың бірінде Ормуз бұғазын Иран мен Оманның бірлесіп бақылауы қарастырылған. Ал Трамп өз кезегінде Оманды «жойып жібереміз» деп қоқан-лоқы жасаған.

Оқи отырыңыз:

• Иран мен АҚШ арасындағы бітімгерлік соңғы кезеңге жетіп қалды
• Иран АҚШ-қа 14 тармақтан тұратын бейбіт жоспар жолдады
• Иран билікке қарсы тұлғаларға қатысты үкімді жеделдетпек