Иран билікке қарсы тұлғаларға қатысты үкімді жеделдетпек

Иранның сот жүйесінің басшысы Голамхосейн Мохсени-Эджеи билікке қарсы тұлғалардың істерін қарауды жеделдетуді талап етті, деп хабарлайды  Orda.kz Mizan агенттігіне сілтеме жасап. 

Мохсени-Эджеидің айтуынша, үкімдер, соның ішінде өлім жазасы мен мүлікті тәркілеу жазалары да, тезірек орындалуы тиіс.

АҚШ пен Израильдің Иранға жасаған соққылары басталғалы бері елде жүздеген адам ұсталды. Олар мемлекет жауларына қолдау көрсетті деп айыпталуда, оның ішінде шетелдік оппозициялық БАҚ-қа материалдар беру және елге жасалған шабуылдарды ашық қолдау фактілері бар.

Бұған дейін Иран АҚШ және Израильмен соғыста атысты тоқтату туралы ұсыныстан бас тартқан болатын. Бұл туралы 7 сәуірде мемлекеттік IRNA агенттігі хабарлады. Тегеран уақытша бітімге емес, қақтығысты толық аяқтауға ұмтылып отырғандарын мәлімдеді.

Оқи отырыңыз:

• Иран Ормуз бұғазы арқылы кейбір кемелердің өтуіне рұқсат берді
• Иран соғысы: Таяу Шығыс елдерінің туризм саласындағы шығындары 56 млрд долларға жетті
• Иран Кувейт, Бахрейн және БАӘ-дегі АҚШ-тың әскери нысандарына шабуыл жасады