АҚШ пен Иран келіссөздерді уақытша тоқтатты: Бітімгерлік келісім аяқсыз қалды
Фото: Ашық дереккөзден
АҚШ пен Иран келіссөздерді уақытша тоқтатты, келісімге қол жеткізілмеді. АҚШ пен Иран Исламабадтағы келіссөздерде соғысты тоқтату туралы келісімге келе алмады, Вэнс Пәкістаннан ұшып кетті, деп хабарлайды Orda.kz.
Иран билігі Исламабадта өткен АҚШ-пен келіссөздердің уақытша тоқтатылғанын мәлімдеді. Ресми хабарламада ортақ келісімге қол жеткізілмегені айтылған. Келіссөздер аяқталғаннан кейін АҚШ вице-президенті Джей Ди Вэнс те баспасөз конференциясында осы кезеңде тараптардың келісімге келе алмағанын растады.
АҚШ вице-президенті Джей Ди Вэнс Исламабадта өткен келіссөздерден кейін АҚШ пен Иран келісімге келе алмағанын мәлімдеді. Оның айтуынша, Иран АҚШ шарттарын қабылдаудан бас тартқан, соның ішінде Вашингтон Тегеран тарапынан ядролық қару жасамау жөнінде «негізгі міндеттемені» көрмеген.
АҚШ вице-президенті Джей Ди Вэнс 21 сағаттан астам уақытқа созылған және соғысты тоқтатуға тиіс бейбіт келісімге әкелмеген шиеленісті келіссөздерден кейін Пәкістаннан ұшып кетті.
«Біз ирандықтармен бірқатар мазмұнды талқылаулар өткіздік, бұл – жақсы жаңалық. Жаман тұсы — біз келісімге қол жеткізе алмадық, және менің ойымша, бұл АҚШ-қа қарағанда Иран үшін әлдеқайда жағымсыз жаңалық», — деді Вэнс.
Ол ядролық қару мәселесі АҚШ пен Иран арасындағы келіссөздердегі негізгі тақырып екенін атап өтіп, президент Трамптың басты мақсаты — Тегеранның қазір де, болашақта да ядролық қаруға ие болуына жол бермеу екенін айтты. Вэнстің сөзінше, Исламабадтағы келіссөздер барысында АҚШ Иран тарапынан ядролық қару жасамау жөнінде нақты міндеттеме көрмеген.
«Біз ирандықтар біздің шарттарды қабылдайтын жағдайға жете алмадық», — деп қосты ол.
Иран үкіметі X әлеуметтік желісіндегі мәлімдемесінде 14 сағатқа созылған келіссөздер аяқталғанын және енді екі тараптың техникалық сарапшылары құжаттармен алмасатынын хабарлады.
«Екі тараптың техникалық топтары енді сараптамалық құжаттармен алмасады. Кейбір келіспеушіліктер сақталғанына қарамастан, келіссөздер жалғасады» деп жазылған Иран тарапының ресми мәлімдемесінде.
Сондай-ақ Иран билігі келіссөздер 14 сағатқа созылғанын және 12 сәуір, жексенбі күні жалғасатынын хабарлаған болатын.
Еске сала кетейік, Пәкістан астанасы Исламабадта АҚШ пен Иран делегациялары кездесті. Бұл — соңғы 50 жылдан астам уақыт ішіндегі екі ел өкілдерінің алғашқы тікелей кездесуі болды. АҚШ делегациясының құрамында вице-президент Джей Ди Вэнс, арнайы өкіл Стив Уиткофф және президент Дональд Трамптың күйеу баласы Джаред Кушнер болды. Олар Иран парламентінің спикері Мохаммад Багер Галибафпен және сыртқы істер министрі Аббас Арагчимен кездесті.
Оқи отырыңыз:
Жаңалықтар
- Тоқаев: Озық технологиялар еуразиялық интеграцияның қуатты катализаторына айналуы керек
- Жангелдиндегі отбасы өлімі: Туыстары бірнеше ай бойы марқұмдармен хат жазысқан
- «Есімімді кірлетуге жол бермеймін»: Михаил Шайдоров жалақы дауына қатысты мәлімдеме жасады
- Қазақстан халықаралық деңгейде «+7» телефон коды бойынша тең құқықты мәртебесін бекітті
- Атырау облысында жол апатынан төрт адам қаза тапты
- Қазақстан Ресейдің қазақтар көп тұратын өңірлеріне мектеп салады
- Тағы бір «Палау орталығы» өртенді, бұл жолғысы Астанада
- Дубайда өмір бойына сотталған қазақстандыққа қатысты тың дерек шықты
- Сот процесінде Сұлтан Сәрсемалиевтің ата-анасының сөзі тыңдалды
- Қай маман иелерінің жалақысы 2,5 есеге дейін өсіп, үкіметтен қолдау көреді?
- Атырауда жасөспірім қатысқан оқиға бойынша төрт адам жауапқа тартылды
- «Сүйісейік» деп тиіскен: Мас ер адам автобуста қыздардың мазасын алды
- Ұлттық банк жаңа 500 теңгелік банкнотты көрсетті
- Тоғызыншы сынып оқушысы 20 жастағы жігітті өлтірді деген күдікке ілінді
- Талғар ауданында автобус пен Камаз соқтығысты
- Астанада адам ұрлаған алты шетелдік 8 жылға дейін сотталды
- АҚШ-та миллиардер Джефф Безостың алып зымыраны жарылды
- Алматыда балаларға арналған тегін көз скринингі өтеді
- Жамбыл облысында жедел әрекет ету арнайы жасағының инспекторы өзіне қол жұмсады
- АҚШ пен Иран Ормуз бұғазын аша тұрып, бітімді ұзартуға келісті
