Иран Ормуз бұғазына жақындаған шетелдік қарулы күштерді аямайтынын ескертті

Кез келген шетелдік қарулы күш, әсіресе америкалық әскер, Ормуз бұғазына жақындауға немесе оған кіруге әрекет жасаса, шабуылға ұшырайды. Бұл туралы «Хатам әл-Анбия» орталық штабының қолбасшысы Әли Абдоллахи мәлімдеді, деп хабарлайды Orda.kz.      

«Біз бірнеше рет Ормуз бұғазының қауіпсіздігі Иран Ислам Республикасының Қарулы күштері бақылауында екенін айттық, және кез келген жағдайда қауіпсіз өту тек біздің күштермен үйлестіру арқылы ғана жүзеге асырылады» деп жазылған оның бүгінгі мәлімдемесінде. 

Абдоллахи Иран қарулы күштері бұғаз аймағындағы қауіпсіздікті толық қамтамасыз етіп отырғанын және жағдайды сенімді бақылауда ұстап отырғанын атап өтті. Ол барлық сауда және мұнай тасымалдаушы кемелерді қауіпсіздікке қатер төндірмеу үшін Ормуз бұғазы арқылы алдын ала ирандық әскерилермен келісусіз өтпеуге шақырды.

Сондай-ақ ол «әсіресе америкалық» кез келген шетелдік күш бұғаз аймағына жақындауға немесе кіруге әрекет жасаса, нысана ретінде қарастырылатынын ескертті. Бұдан бөлек, қолбасшы АҚШ одақтастарына «орны толмас өкінішке әкелуі мүмкін әрекеттерден аулақ болуға» шақырды.

Оқи отырыңыз:

• Ормуз бұғазында тұрып қалған кемелерді шығару операциясы басталды
• Кәрім Мәсімовтің самурай қылышы екінші әрекетте сатылды
• Иран АҚШ-қа 14 тармақтан тұратын бейбіт жоспар жолдады