Иран билігі Әзірбайжан елшілігіне шабуыл жасап өлім жазасына кесілген адамды өлтірді

Иран 2023 жылы Тегерандағы Әзірбайжан елшілігіне шабуыл жасаған адамды өлтірді. Үкімді елдің Жоғарғы соты бекітті, деп хабарлайды Orda.kz.

21 мамырда таңертең Иранның Жоғарғы соты Әзірбайжанның Тегерандағы елшілігіне қарулы шабуыл жасаған ер адамға кесілген өлім жазасын орындады.

Шабуыл 2023 жылдың 27 қаңтарында жасалды. Калашников автоматы бар шабуылдаушы ғимаратқа кіріп, күзет бастығын өлтіріп, екі қызметкерді жарақаттады. Прокурорлардың айтуынша, сотталушы жеке себеппен осындай қылмысқа барған. Тергеу мәліметі бойынша, қылмыскердің әйелі елшілікте жасырынып, үйіне оралмаған көрінеді. Осы жағдай оның қылмысқа баруына себеп болған.

Сот оны қасақана кісі өлтіру, қаруды заңсыз сақтау және қоғамдық тәртіпті бұзу сияқты бірнеше баптар бойынша кінәлі деп таныды. Сот шешімімен ер адам өлім жазасына кесілді. Өлім жазасы марқұмның отбасы ресми келісім бергеннен кейін орындалды.

Айта кетейік, Алматыдағы қонақ үйде мұғалімімен ұсталған 14 жастағы оқушы өмір бойына бас бостандығынан айырылған Руслан Күлекбаевтың қызы болып шықты.