Иран БАҚ-тары Ормуз бұғазындағы Кешм аралында жарылыстар болғанын хабарлады

Ормуз бұғазындағы Иранға тиесілі Кешм аралында қуатты жарылыстар болды, деп хабарлайды Иранның мемлекеттік телеарнасына сілтеп Orda.kz.        

Оның мәліметінше, Иранның Ормуз бұғазын бақылауындағы маңызды геостратегиялық мәні бар аралдағы нысандарға екі соққы жасалған. Жалпы саны алты жарылыс тіркелген.

Бұған дейін Иран БАҚ-тары Ормуз бұғазы жағалауындағы Бендер-Аббас портты қаласында кемінде алты жарылыс болғанын, сондай-ақ елдің оңтүстігіндегі Сирик қаласы маңында тағы жеті жарылыс тіркелгенін хабарлаған.

АҚШ Қарулы күштерінің Орталық қолбасшылығы (CENTCOM) Ормуз бұғазында танкерлерге жасалған жуырдағы ирандық шабуылдарға жауап ретінде Иран аумағына соққы беріп жатқанын мәлімдеді.

Axios порталы жоғары лауазымды америкалық шенеунікке сілтеме жасап, АҚШ Иранның әуе қорғаныс жүйелеріне, зениттік-зымыран кешендерінің ұшыру қондырғыларына, кемеге қарсы зымырандарға, сондай-ақ жағалаудағы бақылау жүйелеріне, ұшқышсыз аппараттарды ұшыру алаңдарына және Ормуз бұғазы маңындағы порт инфрақұрылымына соққы жасағанын жазды.

Оқи отырыңыз:

• Ормуз бұғазындағы қауіп күшейді
• АҚШ пен Иран келіссөзге келді: Дохада өтетін кездесуге дейін Ормуз бұғазындағы шиеленіс бәсеңдеуі мүмкін
• Бітім жайына қалды: АҚШ пен Иран бір-біріне соққы жасады