Иран Бахрейн, БАӘ, Катар және Кувейттегі Израиль мен америкалық базаларға жауапты соққы жасады

Иран Бахрейн, БАӘ, Катар және Кувейттегі Израиль мен американдық базаларға қарсы шабуыл жасады. БАҚ Иранның Парсы шығанағындағы АҚШ-тың ең ірі әскери-теңіз базасы орналасқан Бахрейнге соққы жасалғанын жазып жатыр, деп хабарлайды Orda.kz. 

Nour News хабарлағандай, Иран әскерилері Израильге ондаған баллистикалық зымыран атты. Елде ТҚҚ және ӘШҚҚ жүйелері белсенді жұмыс істеп, аспанда зымыран-тосқауылдардың жарылыстары естіліп тұр.

CNN хабарлағандай, Катарда ирандық екі зымыран өз аумағының үстінен ұсталынды. Сондай-ақ Біріккен Араб Әмірліктері астанасы Әбу-Дабидегі жарылыстар туралы хабарлады. БАҚ-тың хабарлауынша, зымырандар Әл-Дхафра авиабазасына соққы берген.

Кувейтте жарылыс дыбысы естіліп, әуе дабылы қосылды. Иран үшін АҚШ пен Израильдің соққысынан кейін «қызыл сызық» жойылды, деп хабарлайды Al Jazeera телеарнасы аты аталмаған ирандық шенеунікке сілтеме жасап.

Иран ІІМ АҚШ пен Израиль елге шабуыл жасап, халықаралық құқықты бұзғанын мәлімдеді.

Әбу-Даби қаласында жарылыстар естілген. Біріккен Араб Әмірліктері өз әуе кеңістігін жапты. Жарылыстар Кувейтте де тіркелген, онда да америкалық әскери базалар орналасқан.

Бахрейн АҚШ-тың Бесінші флоты сервистік орталығы зымыран соққысына ұшырағанын растады.

Сондай-ақ БАҚ мәліметінше, ирандық баллистикалық зымырандар БАӘ-дегі Әл-Дафра авиабазасы мен Кувейттегі Әли Әл-Салем авиабазасын нысанаға алған.

Еске салсақ, Израиль Иран аумағындағы 30 нысанаға соққы жасады, олардың қатарында ел президентінің резиденциясы мен Ислам революциясы сақшылар корпусы барлау қызметінің басшысы тұратын орын да бар. Бұл туралы израильдік БАҚ хабарлады.

Оқи отырыңыз: 

• Израиль Иранға қарсы соғыс бастады
• Қазақстанда Ирандағы соғысқа байланысты бірқатар әуе рейстері тоқтады
• Трамп: Иран зымырандарын жойып, елдің зымыран өндірісін толықтай талқандаймыз