Иран АҚШ пен Израильден өтемақы талап етпек

Иран АҚШ пен Израильдің шабуылдарынан кейін келген шығын үшін өтемақы талап етуді көздеп отыр. Бұл туралы жоғарғы көшбасшы Моджтаба Хаменейдің үндеуінде айтылған, оның мәтінін жергілікті БАҚ таратты, деп хабарлайды Orda.kz.

Олар жариялаған мәлімдемеге сәйкес, Иран халқы бұл текетіресте жеңіске жеткен.

«Біз соғысты қаламадық және қаламаймыз, бірақ ешбір жағдайда өз заңды құқықтарымыздан бас тартпаймыз» деп жазылған хабарламада.

Хаменей сондай-ақ Тегеран Ормуз бұғазын басқарудың «жаңа кезеңіне» өтетінін мәлімдеді. Бұл бағытты бақылау АҚШ-пен келіссөздердегі Иранның негізгі шарттарының бірі болып қала береді.

Ол азаматтарды бір-бірін қолдауға және дұшпандық ақпарат көздеріне сенбеуге шақырды.

Ал Дональд Трамп 9 сәуірде Truth Social әлеуметтік желісінде АҚШ Иран келісім шарттарын орындамаған жағдайда одан да күшті соққылар жасауға дайын екенін тағы да еске салды.

Оның айтуынша, шабуылдар «бұрын-соңды болмаған ауқымда» болуы мүмкін. Ол Вашингтон Ираннан ядролық қарудан толық бас тартуды және Ормуз бұғазы арқылы қауіпсіз кеме қатынасын қамтамасыз етуді талап ететінін атап өтті. Сондай-ақ бұл талаптар орындалғанға дейін америкалық күштер мен техника аймақта қала беретінін жеткізді.

Жақында Трамп өркениетті жою қаупі туралы мәлімдегенімен, кейін Иранға соққыларды екі аптаға тоқтатуға дайын екенін айтқан болатын.

Оқи отырыңыз:

• Иран соғысы: Таяу Шығыс елдерінің туризм саласындағы шығындары 56 млрд долларға жетті
• Трамптың қоқан-лоққысы және жүзеге аспай тұрған бітім: АҚШ–Иран соғысы қай кезеңде?
• АҚШ пен Иран 14 күнге бітім жариялады: Тоқаев құптады