INTERPOL қазақстандық кәсіпкерге іздеу салды

Қырғызстанның Ұлттық қауіпсіздік мемлекеттік комитеті Ыстықкөлдегі «Симирам» демалыс орталығының иесі, қазақстандық кәсіпкер Ясынжан Таировқа іздеу салды.

Бұл туралы Қырғызстанның Ұлттық қауіпсіздік мемлекеттік комитеті хабарлады.

Арнайы қызметтің мәліметінше, Таиров ұйымдасқан қылмыстық топты басқарған белгілі тұлға Қамшы Көлбаевты қаржыландырды және онымен бірлесіп бизнес жүргізу үшін көмегін алған деген күдікке ілінді.

Тергеу деректеріне сәйкес, кәсіпкер Көлбаевқа $200 мың берген, сондай-ақ өз курортында ҰҚТ мүшелеріне демалу үшін коттедж бен бөлмелер ұсынған. Бұдан бөлек, Таиров Көлбаев өткізген түрлі мерекелік іс-шаралар кезінде қымбат сыйлықтар табыс еткен.

Бішкектің Октябрь аудандық соты Ясынжан Таировқа сырттай қамауға алу туралы үкім шығарып, оған INTERPOL желісі арқылы халықаралық іздеу салды.

Еске сала кетсек, Orda.kz Қырғызстан билігі қазақстандық кәсіпкерТаировқа іздеу салғаны жайлы  жазған болатын.