Иманғали Тасмағамбетов «Бітімгерлер» тізіміне енгізілді

Украиналық «Бітімгерлер» сайты Иманғали Тасмағамбетовты өз базасына енгізді, деп хабарлайды Orda.kz.

Сайтта Тасмағамбетов соғысты насихаттап, Ресей агрессиясын ашық түрде қолдаған және Украинаның егемендігі мен аумақтық тұтастығына қол сұққаны жазылған.

«Тасмағамбетов Ресейдің Украинаға қарсы агрессиясын толық қолдайды. ҰҚШҰ-ның бас хатшысы ретінде Ресей армиясына көмек ретінде ҰҚШҰ әскерін жіберуге дайын болды. Украина аумағына жасалған «Орешник» зымыран соққыларын ақтайды» деп көрсетілген «Миротворец» сайтында. 

ҰҚШҰ бұл туралы әлі түсініктеме берген жоқ.

Еске сала кетейік, Румынияда Қазақстан мен Болгария шенеуніктерінің қатысы бар ірі жемқорлық ісі әшкереленді. Тергеу дерегінше, олар оқ-дәрі саудасы арқылы заңсыз пайда табуға тырысқан.