Рахат Тұрлыханов отбасылық жанжалға қатысты жазадан құтылды

Әнші Рахат Тұрлыхановтың әйелі шағымынан бас тартты. Бұл туралы Алматы қалалық полиция департаменті мәлімдеді, деп хабарлайды Orda.kz. 

Полицияның мәліметінше, Тұрлыхановқа қатысты қылмыстық іс қозғалған. Сотқа дейінгі тергеу барысында оқиғаның барлық мән-жайы жан-жақты зерттеліп, қажетті материалдар жиналып, процессуалдық әрекеттер жүргізілген.

Еске салайық, 15 наурыз күні БАҚ-та қазақстандық әнші Рахат Тұрлыхановтың ұсталғаны туралы ақпарат тарады. Алматы қалалық полиция департаменті әншінің жұбайын ұрды деген күдікпен полицияға жеткізілгенін хабарлаған. Бастапқыда әйел өзіне күш қолданылғанын айтқанымен, кейіннен бұны жоққа шығарып, отбасылық жанжал бойынша арыз жазған.

Тексеру нәтижесінде Рахат Тұрлыхановқа қатысты әкімшілік құқық бұзушылық туралы кодекстің 73-бабы 1-бөлігі («Отбасылық-тұрмыстық қатынастар саласындағы құқыққа қарсы әрекеттер») бойынша әкімшілік хаттама толтырылған.

16 наурызда сот бұл істі қарап, өндірісті тоқтатып, материалдарды бастапқы арызды ескере отырып, қылмыстық құқық бұзушылық белгілерінің бар-жоғын тексеру үшін прокуратура мен полиция департаментіне жолдаған.

Турлыханов сот шешіміне шағымдануға тырысқанымен, апелляция оны өзгеріссіз қалдырды.

• Рахат Тұрлыханов қылмыстық жазаға тартылуы мүмкін
• Алматыда Рахат Тұрлыханов әйеліне күш көрсетті деген күдікпен қайта ұсталды