«Хуторлық Хасанның» ісі прокуратураға түсті

Алматы облыстық прокуратурасы «Хутор» атты қылмыстық топтың жетекшісі болуы мүмкін деп жұрт таныған Хасан Қасымбаевқа қатысты істі тексеріп жатыр, деп хабарлайды Orda.kz. 

Ведомство мәліметінше, қылмыстық іс материалдары айыптау қорытындысымен бірге прокуратураға 21 шілде күні түскен.

Қазіргі таңда тергеу амалдары жүріп жатыр. Тергеу мүддесіне байланысты істің нақты мән-жайы ҚПК-нің 201-бабына сәйкес жария етілмеді.

Еске сала кетейік, былтыр, 4 қарашада Алматы облысының құқық қорғау органдары күтпеген операция жүргізіп, Талғардағы атышулы Хасанды 2021 жылы жасаған қылмысы үшін қамауға алды. Хасан Қасымбаев ережесіз жекпе-жек шебері Арман Әлімовті күштеп ұрлауға арнайы тапсырыс берді деп айылталды. Бұған дейін Қасымбаевтың  8 жылға сотталуы мүмкін екені айтылды.