«Хасан Қасымбаевтың ісі сотқа келіп түсті»: Айыпталушылар арасында тағы кім бар?

«Хуторлықтар» атты ұйымдасқан қылмыстық топың жетекшісі деп танылған Хасан Қасымбаевтың ісі сотқа келіп түсті, деп хабарлайды Orda.kz. 

Іс бойынша судья болып Айнагүл Түкүбаева тағайындалған. Хасан Қасымбаев 2024 жылдың 2 қарашасында ұстау изоляторына қамалды. Ол ММА жауынгері Арман Әлімовті ұрлап, денсаулығына қасақана ауыр зиян келтіргені үшін ұсталған. Қасымбаевтан бөлек Нұрмұхамет Сұлтанбеков, Мадияр Қалымжанов, Данияр Асқаров, Сайлау Ақтанов есімді азаматтардың да бұл қылмысқа қатысы бары анықталды.

Айта кетейік, Хасан Қасымбаев ұсталғаннан кейін Талғар ауданы әкімі аппаратының басшысы Аслан Қасымбаев өз еркімен қызметінен кетті. «Хуторлықтар» деп аталатын қылмыстық топты ағайынды Хасан, Аслан және Ержан Қасымбаевтар басқарады деген қауесет бар.