Аслан Қасымбаев жұмыстан өз еркімен кетті — облыс әкімі

cover Фото: gov.kz

Аслан Қасымбаев жұмыстан шығуға өзі өтініш жазған, деп хабарлайды Orda.kz

Бұл ақпаратты Алматы облысының әкімі Марат Сұлтанғазиев растады. Талғар ауданы әкімі аппаратының басшысы Аслан Қасымбаев қызметтен өз еркімен кетуге өтініш жазған. 

ОКҚ брифингінде журналистер облыс әкімінен Аслан Қасымбаевтың жұмыстан шығу себебін сұрады.

«Ол өзі берген өтініш негізінде жұмыстан шығарылды», - деп жауап берді Сұлтанғазиев.

Еске салайық, 15 қазан күні Талғар ауданы әкімі аппаратының басшысы Аслан Қасымбаев қызметінен босатылғанын хабарлаған едік. 

Аслан Қасымбаевтың Талғар ауданы әкімі аппаратының басшысы болып отырғанына екі жылдан асқан. Оған дейін ол Талғар ауданының Белбұлақ ауылдық округінің әкімі болып жұмыс істеген. 

Талғар тұрғындары кісі қолынан қаза тапқан Шерзат Болаттың өліміне «Хуторлықтар» деп аталатын қылмыстық топтың қатысы бар деп отыр. Ал бұл топты ағайынды Хасан, Аслан және Ержан Қасымбаевтар басқарады деген қауесет бар. 

Жаңалықтар

барлық жаңалықтар