Грекия өртке оранды: 20 елді мекеннің тұрғындары шұғыл түрде эвакуацияланды

Соңғы екі күнде Грекияда 150-ден астам өрт шықты. Қатты жел мен аптап ыстық отты өршітіп, шағын өрттер құйындай ұйытқып тұрғын үйлерге қарай жылдам жақындап келе жатып, деп хабарлайды Orda.kz Euronews-ке сілтеме жасай отырып.

20 елді мекен тұрғындарын шұғыл түрде эвакуациялауға тура келген. Автобустар, автомобильдер, тіпті балық аулайтын қайықтар адамдарды қауіпсіз аймаққа тасып жатыр. Әсіресе Ахея, Превез, Иониялық аралдар мен Хиос аралында қиын жағдай сақталып отыр.

Өрт сөндіруге бес мыңға жуық өрт сөндіруші, сондай-ақ 33 ұшақ тартылды. Құтқару қызметінің бірнеше қызметкері күйік шалып, жарақат алып, ауруханаға жатқызылды.

«Бұл күндер соңғы жылдардағы өрт сөндіру қызметтері үшін ең ауыр сынақ болды», - деп мойындады Грек өрт сөндірушілер одағының төрағасы.

Ауқымды өрт тек Грекияда ғана болып жатқан жоқ, шілде айының соңында табиғи өрт Түркия мен Кипрді қамтып, туристік өңірлерге қауіп төндірді.

Түркияның Измир, Чанаккале және Айдын провинцияларында  орман өрттері біраз аумақты  шарпыды.  Түркияда бір ер адам жастықтағы жәндікті өртеп, оны аулаға лақтырған. От орман мен егістік алқаптарына таралып, 12 гектар жер өртеніп кетті.