Головкиннің алғашқы жаттықтырушысы қайтыс болды

Қазақстандық боксшы Генадий Головкиннің алғашқы жаттықтырушысы Виктор Дмитриев бақилық болды, деп хабарлайды Orda.kz.

Виктор Дмитриевтің жаттықтырушылық тәжірибесі 35 жылдан асқан еді. Бапкерлікке дейін ол шахтада және ПТУ-да оқытушы болып жұмыс істеді. 2023 жылы Дмитриев 70 жылдық мерейтойын атап өткен болатын. Дмитриев Генадий Головкинді жасөспірім жасқа дейін жаттықтырған. Кейін ол Ғалымжан Кенжебаевтың қанатының астына ауысқан еді.

«№1 ГПТУ спорт залындағы жаттығулардың бірінде маған 10 жастан асқан қарапайым жұмысшы отбасынан шыққан егіз ағайынды Максим мен Геннадий Головкиндер боксқа жазылуға келді. Балалар басқаларға қарағанда аса қатты көзге түсе қойған жоқ. Олар футбол ойнап, кросспен жүгіргенге мәз болатын. Басында маған барынша жетістікке жететін болып көрінді, ол жастар арасында Қазақстан чемпионы атанды. Бірақ денсаулық жағдайы мен жарақаты Генаға үлкен биіктерге жетуге мүмкіндік бермеді», – деп айтқан еді марқұм Дмитриев. 

2014 жылы Головкин американдық жаттықтырушы Абель Санчеспен бірге Қарағандыдағы алғашқы залына барды. Кейінірек Дмитриев айтқандай, Санчес залдың жағдайына таң қалды.

«Балалар қандай жағдайда дайындалады? Ауа райы да өте нашар. Күннің суықтығынан жігіттердің аузы буланып жүрді. Біздің команда Генаның алғашқы залын көргісі келді. 10 балдық шкаладан барлығы тек 1 деген балл берген де шығар», – деді Абель Санчес. 

Головкин бірінші жаттықтырушысының отбасына қайғыра көңіл айтты.

«Қазақстан Республикасы Ұлттық Олимпиада комитеті ұжымының атынан және өз атымнан болған оқиғаға қайғыра көңіл айтамын. Бұл бүкіл спорт қауымдастығы үшін және оның тәрбиеленушісі мен үшін үлкен қайғы. Виктор Константинович — тек көрнекті жаттықтырушы ғана емес, ол тәлімгер, мұғалім және бізге үлгі болды. Оның спортқа деген адалдығы, кәсібилігі және барлығының көңілін таба білуі біздің жадымызда мәңгі қалады. Ол Қазақстанда бокстың дамуына баға жетпес үлес қосты және талантты спортшылардың тұтас буынын тәрбиеледі. Қайғылы оқиғаға байланысты шын жүректен көңіл айтамын. Ол біздің жүрегімізде мәңгі сақталады», – деді Головкин. 

Еске сала кетейік, Қарағандыда 1-топтағы мүгедекті 10 жыл бойы қайыр сұратқызып, жұмысқа салғандар ұсталғанын жазған болатынбыз.