Қарағандыда қол-аяғы жоқ адамды 10 жыл бойы құлдықта ұстағандар сотталып жатыр

Қарағандыда 1-топтағы мүгедекті 10 жыл бойы қайыр сұратқызып жұмысқа салған адам ұсталды. Қазір бұл іс бойынша сот процесі жүріп жатыр, деп хабарлайды Orda.kz.

Qumash телеграм-арнасының мәліметінше, 41 жастағы Николай өзімен бірге тұратын әйелімен құлдыққа тап болған. Күнде оның «қожайыны» таңғы 8:00-ден кешкі 18:00-ге дейін жұмыс істеткізген. Дәлірек айтқанда мүгедекке қаланың қақ ортасындағы аялдамада қайыр сұрауға мәжбүрлеген. Қандай ауа райы болса да, «қожайындары» жұмысқа жеккен. Яғни, Николай қысы-жазы, жаңбыр мен қарға қарамай қайыр сұраумен 10 жыл айналысқан.

Ол Николайды үнемі ұрып-соғып отырған. Оның бірге тұратын әйелі 2020 жылы босанған. Алайда олардан баланы алып қылмысты басқарып отырған тұлғаның әпкесіне берген және бала онымен 4 жыл бойы бірге тұрып келген. Айыптаушылар өздерінің қыздарын тек «қожайынының» рұқсатымен ғана көріп отырған. Соның өзінде мүлде сирек кездестірген.

ІІМ дәл бір жыл бұрын қылмыстық топты ұстады. Қылмыскерлер олардың арқасында жылына 10 миллион теңгеге дейін табыс тапқаны белгілі болды.

Істе бірнеше айыпталушы бар. Сонымен қатар, олардың барлығы дерлік туыстар. Кінәні ешкім мойындамайды. Олардың үшеуі қылмысты білмегендерін айтады. Ал жәбірленуші тарап негізгі күдіктінің кейбір тапсырмаларын орындады дейді. Бүгінде Николай және онымен бірге тұратын әйел қоғамдық қордың қамқорлығында, қор оларға куәлік алуға көмектескен, сондай-ақ құқықтық, психологиялық, медициналық және гуманитарлық көмек көрсеткен.

Сот әлі өтіп жатыр.

Айта кетейік, Мұқағалиды сорлы еркек деп әлемге жар салған Әлішер Теменовтің ісі сотта қаралып жатыр. Блогердің үстінен Мұқағали Мақатаевтың ұлы Жұлдыз Мақатаев шағым түсіргені туралы жазған болатынбыз.