Германияда қымыз ең жиіркенішті тағамдар музейіне тап болды

Қазақтың қымызы Германиядағы ең жиіркенішті тағамдардың музейінде экспонат болды, деп хабарлайды Orda.kz.

Бұл туралы Threads әлеуметтік желісі қолданушысы жазды. Оның айтуынша, Берлиндегі Disgusting Food музейінде қымыз тұр.

«Қызық, әпкем Берлиндегі жиіркенішті тамақтар музейінде тұрған қымыздың суретін жіберді. Ол жерде негізі жаңа туылған тышқаннан жасалатын тағам немесе жыланнан жасалатын және т.б жиіркенішті тамақтар экспонат ретінде тұрады. Бұл қарапайым сүт өнімі емес пе?» деп жазды желі қолданушы.

Disgusting Food музейі Германия астанасы Берлинде орналасқан. Ол әлемдегі ең оғаш әрі таңғаларлық тағамдар жинақталатын мұражай. Алайда биенің сүті ол жерге қалай тап болғаны жайлы біраз қазақстандықты ойландырып қойды.

Оқи отырыңыз:

• Иранның жоғарғы жетекшісі ес-түссіз жатыр — The Times
• Артемида ІІ миссиясы: Адамзат тарихын дүр сілкіндірген жағдайға шолу
• Стамбұл көшесінде Қазақстан азаматын атып кетті