Геннадий Головкин World Boxing президенттігіне жалғыз үміткер болып қалды

Геннадий Головкин халықаралық World Boxing ұйымын басқаруға үміткер ретінде жалғыз өзі тіркелді, деп хабарлайды Orda.kz.

Кеше оның соңғы қарсыласы — Грекия өкілі Харис Мариолис сайлауға қатысудан бас тартты. Бұған дейін дәл осындай шешімді Владимир Кличко қабылдаған болатын.

Осылайша, осы аптаның соңында Италияның Рим қаласында өтетін дауыс беруде Головкин ұйымның жаңа президенті болмақ.

Айта кетейік, World Boxing 2023 жылдың сәуірінде Халықаралық Олимпиада комитеті мен IBA (бұрынғы AIBA) арасындағы қатынастар үзілгеннен кейін құрылған. Ұйымның негізгі мақсаты — бокстың Олимпиада бағдарламасында қалуын қамтамасыз ету және спорттағы басқарудың қоғам алдында ашық болуын қамтамасыз ету. 

Еске сала кетсек, бұған дейін Қазақстан ҰОК президенті Геннадий Головкин Азия Олимпиадалық кеңесі спорт комитетінің мүшесі болды.