Геннадий Головкин жаңа қызметке тағайындалды

Қазақстан ҰОК президенті Геннадий Головкин Азия Олимпиадалық кеңесі спорт комитетінің мүшесі болды, деп хабарлайды Orda.kz.

Бұл мәлімет Қазақстан Ұлттық Олимпиада комитетінің ресми сайтында жарияланды.  Қазақстан Ұлттық Олимпиада комитетінің басшылары мен қызметкерлері Азия Олимпиадалық кеңесі комитеттері құрамына кірді.

Мәліметтерге сүйенсек, спорт комитетіне Қазақстан ҰОК президенті Геннадий Головкин тағайындалды. Ал бас хатшы Әлімжан Ақаев Халықаралық қатынастар комитетінің мүшесі болды. PR және маркетинг департаментінің директоры Гүлназ Шүкенова Медиа және БАҚ комитетіне кірді.

Сонымен қатар Спорт департаментінің бас менеджері Роман Теміржанов Ақпарат және статистика комитетіне қосылды. Жаңа лауазымға тағайындалғандар 2028 жылға дейін қызмет атқарады. 

Еске салайық, бұған дейін Геннадий Головкин Қазақстан ҰОК басшысы болып сайланғанын хабарлаған едік.