G7 құрамындағы елдер Ресейге қарсы санкцияларды күшейтіп, Украинаға көмекті арттырмақшы

«Үлкен жетілік» елдерінің көшбасшылары Эвиан-ле-Бен қаласында өткен саммитте Ресейдің мұнай-газ секторына қарсы жаңа санкциялар енгізуге келісті, деп хабарлайды Orda.kz Deutsche Welle агенттігіне сілтеме жасап.

Басылым мәліметінше, бұл туралы G7 лидерлерінің 17 маусымға қараған түні жарияланған қорытынды мәлімдемесінде айтылған.

Сонымен қатар «жетілік» елдері Украинаға қолдаудың өзгермейтінін мәлімдеді.

«Біз өз еркіндігі, егемендігі мен аумақтық тұтастығын қорғап жатқан Украинаға деген берік қолдауымызда біртұтаспыз» деп жазылған мәлімдемеде. 

Құжатта Украина халқының сыни инфрақұрылым нысандары мен мәдени мұраларға жасалған шабуылдардан зардап шегіп отырғаны айтылып, оларға ынтымақтастық білдірілген. Сондай-ақ соңғы айларда Украина қол жеткізген әскери табыстар мен елдің төзімділігі жоғары бағаланған.

Әскери және энергетикалық қолдау күшейеді. Көшбасшылар қазіргі «жаңа динамиканы» қолдау және күшейту мақсатында Украинаға әуе қорғаныс жүйелерін, тосқауыл қою құралдарын, алыс қашықтыққа арналған қару-жарақ пен басқа да әскери техникаларды жеткізуді арттыруға келісті.

Бұдан бөлек, Украина аумағында әскери өнім өндіру көлемін арттыруға мүмкіндік беретін лицензиялар беру мәселесі де қарастырылмақ. Сондай-ақ G7 елдері Украинаға алдағы қыс мезгілінен өту үшін энергетикалық салада қолдау көрсетуді жалғастыруға уағдаласты.

Айта кетейік, «Үлкен жетілікке» Германия, АҚШ, Ұлыбритания, Франция, Италия, Жапония және Канада кіреді.

Бұған дейін Дональд Трамп Ресей президенті Владимир Путин және Украина басшысы Владимир Зеленскиймен телефон арқылы сөйлескені хабарланған болатын. Сонымен қатар Трамп G7 саммиті аясындағы жұмыс кестесіне байланысты  рәсімге өзі де қатысуы мүмкін екенін айтқан еді.

Ақ үй басшысы Украинадағы әскери қақтығысты тоқтатуды қолдайтынын тағы да мәлімдеп, қажет болған жағдайда еуропалық серіктестер мен Киевке ықпал етуге дайын екенін айтқан.

«Біз Ресейдің әскери экономикасына қысымды күшейтуге міндеттенеміз. Осыған байланысты мұнай-газ секторына қарсы шараларды қоса алғанда, санкцияларды күшейтеміз» деп жазылған құжатта. 

Сонымен қатар сарапшылар жаңа санкциялар енгізу үшін қазіргі кезең қолайлы екенін айтып жатыр. Себебі Трамп Иранмен Ормуз бұғазы арқылы мұнай мен газ тасымалдауға қатысты келісімге келген. Бұл әлемдік энергия нарығына әсер ететін маңызды фактор саналады.

Оқи отырыңыз:

• Трамп Иранмен келісімге қол қою үшін Женеваға өзі баруы мүмкін екенін айтты
• Зеленский: Біз Трамппен кездесу туралы келістік
• Тоқаев АШҚ президентін туған күнімен құттықтады