Франция жұрты кондиционерге таласып, жаппай төбелесіп, дүкендерге басып кіріп жатыр

Аптап ыстықтың күшеюіне байланысты Францияда кондиционер мен желдеткіш сатып алу барысында жанжал шығып, соңы жаппай төбелеске айналып жатыр, деп хабарлайды  Orda.kz.    

Lidl дүкендер желісі 200 мың дана климаттық техника сатылымға шығарылғанын жариялағаннан кейін, дүкендерде ұзын-сонар кезек пен адам кептелісі қалыптасты.

Нантер қаласының маңында жүзден астам адам дүкенге басып кіріп, есігін бүлдірген. Сен-Жермен-ан-Ле қаласында сөрелер бірнеше минуттың ішінде босап қалған.

Париждегі дүкендердің біріне 400 адамға небәрі екі кондиционер ғана жеткізілген. Бұл сатып алушылардың наразылығын туғызып, тәртіпті қалпына келтіру үшін көзден жас ағызатын газ қолданылған.

Бұл жағдайды саясаткерлер де 2027 жылғы сайлау қарсаңында өз мақсаттарына пайдалануда. Марин Ле Пен елді кондиционерлермен кең көлемде қамтамасыз етуге шақырса, оның қарсыласы Жан-Люк Меланшон мұны мәселені ушықтыратын жалған шешім деп бағалап, оның орнына ғимараттарды сапалы жылу оқшаулаумен қамтамасыз етуді ұсынды.

Оқи отырыңыз:

• Еуропада аптап ыстықтан бағдаршамдар еріп жатыр
• +50°C дейінгі ыстық пен қуаңшылық: Шілдеде Қазақстанның көп бөлігінде аптап ыстық болады
• Францияда аптап ыстыққа байланысты ядролық реакторлардың жұмысы уақытша тоқтатылды