Еуропа саясаткерлері мигранттарды Қазақстан мен Өзбекстанға депортациялауды ұсынды

ЕО елдері мигранттарды депортациялау үшін экстерриториялық лагерьлер салуды жоспарлап отыр. Ықтимал орындардың қатарында Қазақстан мен Өзбекстан да аталды, деп хабарлайды Orda.kz Politico басылымына сілтеме жасап.

Германия, Нидерланд, Австрия, Дания және Грекия министрлері «қайтару орталықтарын», яғни Еуроодақтан тыс орналасқан лагерьлер құру идеясын талқылады. Бұл орталықтарға баспана беру туралы өтініштері қабылданбаған адамдар жіберілмек.

Politico мәліметінше, аталған елдер жыл соңына дейін «нақты қадамдарға» көшуді жоспарлап отыр және 8–10 мемлекетті ықтимал серіктес ретінде қарастыруда. Серіктес елдерге инвестиция мен визалық режимді жеңілдету ұсынылады. Ықтимал кандидаттар қатарында Қазақстан мен Өзбекстан аталғанымен, әзірге ешбір елмен ресми келісім жасалмаған.

Астанада өткен брифингте босқындарды орналастыру орталықтарына қатысты сұраққа ҚР СІМ халықаралық ақпарат комитетінің төрағасы Ерлан Жетібаев мұндай келіссөздер жүргізілмегенін айтты.

«Біз ЕО-мен азаматтарымыз үшін визалық талаптарды жеңілдету бойынша келіссөздер жүргізіп жатырмыз. Егер азамат өз елінен заңсыз шыққан болса, біз оны өз еліне қайтару үшін барынша күш саламыз», — деді ол. 

Еске салайық, ақпан айында Қазақстан парламенті Австриямен заңсыз мигранттарды реадмиссиялау және транзиттеу туралы келісімді ратификациялаған болатын. Ал бір ай бұрын Франциямен жасалған ұқсас келісім күшіне енді. Бұл келісімдер қайтару мен транзит тәртібін реттейді, бірақ ЕО-дан тыс лагерьлер құруды қарастырмайды.

Оқи отырыңыз:

• Қазақстанда жылдық инфляция 10,4%-ға жетті
• Павлодар облысында «Газель» жаяу жүргіншілер жолында әйел мен баланы қағып кетті
• Қазақстанда «Әділет» партиясы ресми тіркелді