Ертіс көпірінде жүргізуші бір топ баланы қағып, алтауы дәрігер көмегіне жүгінді

Өскеменде Toyota жүргізушісі велосипед мінген балалар тізбегін қағып кетті. Алты бала дәрігер көмегіне жүгінді, деп хабарлайды Orda.kz.

Жол-көлік оқиғасы 27 мамыр күні Ертіс көпірінде болған. Шығыс Қазақстан облысы полиция департаментінің мәліметінше, Toyota Avensis көлігінің жүргізушісі жолақ ауыстыру кезінде маневрдің қауіпсіз екеніне көз жеткізбей, балалар тізбегін қағып кеткен.

«Алты бала медициналық көмекке жүгінді. Полиция тексеріс жүргізіп жатыр»,  деп хабарлады ШҚО ПД.

Айта кетейік, бұдан бір күн бұрын, 26 мамырда Астанада бетон араластырғыш көлік велосипедпен жүрген баланы қағып, ол оқиға орнында көз жұмған. Mercedes жүргізушісі оңға бұрылған кезде жолды кесіп өтіп бара жатқан оқушыны байқамай, қағып кеткен. Бала сол жерде қайтыс болды.

Оқи отырыңыз:

• Астанада үй ауласында баланы көлік қағып қаза болды
• Путин Астанада өтетін Еуразиялық экономикалық форумға қатысады
• 1179 адам бетті жабатын киім кигені үшін жауапкершілікке тартылды