Ермұрат Бәпиден «Новичок» анықталған жоқ

Депутат Ермұрат Бәпиге Германияның Шарите клиникасынан диагноз қорытындысы келді.

Бұл туралы Болат Әбілов өзінің әлеуметтік желісінде хабарлады.

«Германиядан жақында ғана оралған Ермұрат Бәпимен сөйлесіп отырмыз. Берлиннің «Шарите» клиникасынан жақында оралды. Ол жақта Ерекеңнің ағзасынан «Новичок» анықталған жоқ», – дейді Әбілов.

Ермұрат Бәпидің өзі денсаулығы жақсы екенін айтады.

«Денсаулығым әзірге жақсы, Германиядан диагнозым келді. Енді барып емделу керек. Жаныңызда аман-есен отырғаныма қарағанда ағзамда «Новичок» белгісі жоқ сияқты», – деді Ермұрат Бәпи.

Еске сала кетейік, Ермұрат Бәпидің өзі ағзасында «Новичок» типінде у болу мүмкіндігі туралы болжамымен бөлісті.